Tamen ni ne povas tacar pri la fakto, ke Prof. W. Ostwald recevis, la 10ma di decembro en Stockholm, la Nobel-premio pri la kemio.
Certe omna nia samideani saveskis ol e joyis, pro ke ta honoro kronizis la ciencala glorio di nia Pioniro.
On savas ke il esas la precipua fondinto di nova cienco, la fiziko-kemio, qua unigas la cienci di la naturo sub la max generala legi e principi.
De ol il infaris sistemo di natural filozofio, l'energetiko, segun qua la substanco di la fizikal mondo esas, ne la materio sed l'energio.
Fine il deduktis de ta sistemo vasta koncepto di la civilizado, di qua la skopo esus la maxima utiligado e sparado dil energio.
Tala filozofiala pensi duktis il a nia ideo, di qua il esas de longe fervoroza ed agema pioniro. On savas la granda rolo quan il ludis en nia entraprezo, quale prezidanto di la Komitato di la Delegitaro.
Sed on savas mine, ke il konstante favoras e helpas nia labori por la linguo. Pro omno to, pro la pasinto, la prezento ed anke la futuro, ni expresas a nia honor-prezidanto la gratuli e la gratitudo di nia samideani.
Tala homi honorizas l'entraprezi, quin li partoprenas, e garantias olia suceso.
L. Couturat 1910
Interreta adreso di la oficala TTTeyo di Ido: http://members.aol.com/idolinguo/index.html
Havez vua propra senpaga
ttteyo