好得人驚！咁多地方唔拍，偏要半夜三更走去和合石拍戲，新片《七月又十四》日前在墳場拍攝一場掘屍戲。
        記者一進入墳場範圍就見到一陣白煙，加上陰風陣陣，嚇到即刻想掉頭走，行了十多分鐘冇街燈的車路，突然見到遠處黑暗的空地上開了一張椅，旁邊朦朧地坐了數個人﹐郁都唔郁兼冇任何聲響，好恐怖呀！
         導演唔敢再鬧人

       半夜三更墳場見到咁樣一幕都咪話唔嚇死人，硬著頭皮上前細看先知黑影原來是一群等到呆演員，包括吳鎮宇、李燦森、蒙嘉慧、陳穎妍等，他們由傍晚等到半夜，冇燈冇做又唔敢四圍走，惟有幾個人一齊呆坐，大家壯膽。
        身處咁樣環境，雖然後來人比較多，但大家都唔敢亂講同玩，導演錢昇瑋鬧鬧工作人員（正用綠色燈佢仲要係墓地度掘窿，工作人員都擔心會掘到『餡』！

        吳鎮宇因學太極弄傷了腰，不用埋位就坐在一旁休息，只偶然與李燦森試一試招，腰痛令他連做訪問都冇心機。
 
        李燦森雖然仍能講笑，但其實最驚係佢，「我驚！睇《午夜凶鈴》，睇一半我就已經毛骨悚然！」一連接了多部戲，他完成手上的工作後會放一個月假休息。