Cruachan A' Cheathaich

[Fonn / Tune]



Mi 'nam shuidhe 'n seo m'ònar,
Air còmhnard an rathaid,
Fiach a faic mi fear-fuadain
Tighinn o Chruachan a' cheathaich.

Bheir dhomh sgeul air Clann Ghriogail,
No fios cò 'n taobh ghabh iad.
'S iad bu chuideachda dhomh-sa
Di-dòmhnaich 's a chaidh.

Thall 's a bhos mu Loch-fhìne,
Ma's a fìor mo luchd-brathann;
Ann an Clachan an Dìseirt,
'G òl fìon' air na maithibh.