A' Chuairt-Shamhraidh

[MIDI]


[Séisd:]
Hug òro, mo leannan, thig mar rium air chuairt,
Do dh'ùr-choill' a' bharraich 'san tathaich a' chuach;
Hug òro, mo leannan, thig mar rium air chuairt.


Tha gruaman a' Gheamhraidh
Air fàgail nam beannta,
'Se sruth anns gach alltan
'Na dheann-ruith a nuas.

Tha aodann nan sléibhtean
A' dèarrsadh gu ceutach;
'S na lusana peucach
Ag éiridh le buaidh.

Tha Samhradh an òr-chuil
A' riaghladh le mór-chuis,
'S an saoghal ri sòlas,
Gun d'fhògair e'm fuachd.

Na h-eòin 's iad ri coireal
Feadh ghrianan na coille,
'S na sòbhraichean soilleir
'Cuir loinn air gach bruaich.

O, tiugainn a leannain
Do choille nam meangan,
'S gu'n ùraich sinn gealladh
'Bhi tairis gu buan.