O 'S Toil 'S Gu Rò Thoil Leam

[Fonn / Tune]



[Séisd:]
O 's toil 's gu rò thoil leam,
O, 's toil leam thu, nighneag,
O 's toil 's gu rò thoil leam.


Mi an ospadail Shasuinn,
'S trom 's gur h-airtneulach m'inntinn.

Mi gun fhios nach e 'm bas e,
'S cha toir bata 'Phortrigh mi.

Thoir mo shoiridh Dhun-Bheagain
Nam feadan 's nam pìoban.

'N t-soiridh eile seo fairis
Bhuam gu ceannaichean Lìte.

Gu gillean na Hearadh
Is gu Alasdair Pìobair.

Gu péidse na baintighearn'
Ged 's e chainnt rinn mo dhìteadh.

'S toil leam bean a' chùil dualaich
Ged nach d'fhuair mi dhomh fhìn i.

'S toil leam bean a' chùil bhuidhe
A ni 'm bruthach a dhìreadh.