PANGASINAN
LITURGICAL SONGS


 

 

Jesus a Dios tan Ari mi


Jesus a Dios tan Ari mi
Aguin manangilaban
Say dayew tan salamat mi
Isaklang mi ra natan.

Nanarian moy inlaknab mod
Kabansaay inerman
Diad sikatoy pakalmoan mi
Bilay tan kilalaban.

Sika tan diad simbaan mo
Bilay mi inispan mi
Anggad diad tawen say liket
So lawas ibelyaw mi.

Ondakmomo itayo


Ondakmomo itayon
Mangigalang ed Jesus
O itilan ondagon
Manpikasi ed mablin Dios.

Koro:

O Jesus a Katawan mi, ipelag moy panangasim.
O Jesus a Katawan mi, ipelag moy panangasim.

Diad amin ya segsegang
Si Jesus maabagey
No ngaran toy tawagen,
Denglen toy  ami’y ey-ey.

GALIN AMIN


Galin amin agagi, ya mangigalang ed Dios
Liket kumoy pantiponan. Galin amin agagi.

Puso tayoy lukasan, puso tayoy isaklang
Ed maaro ya Katawan. Galin amin agagi.

Say Dios natan kantaan, say Dios natan igalang
Liket kumoy pantiponan. Galin amin agagi.

HESUS YA DIOS TAN ARI MI


Hesus ya Dios tan Ari mi
Aguin Manangilaban
Say dayew tan salamat mi,
Isaklang mi ra natan.

Nanarian moy inlaknab Mod
Kabansaay inerman.
Diad Sikatoy pakalmoan miy
Bilay tan kilalaban

Sika tan diad Simbaan mi
Bilay mi isipan mi
Anggad diad tawen say liket
So lawas ibelyaw mi.

Maaron Jesus


Maaron Jesus, sobul na panangasi
Sikay bilay tan aro min amin.
Akom payay lawas mogmon kerew mi
Tan aagmo pa komon ikaindan.

KORO:

Puson maaro, gawam pay puso mi
Ya maolibay ed satay simpit mo.

Oyla komon ta lawas maoyamo
So puso min manlingkor ed Sika
Tan diad nanarian mon andi angga
Liket tan aro so itumang Mo.

Jesus Pirdonaen Mo ak


Jesus pirdonaen mo ak, tan nakasalanan ak
Ag Mo ak pa paulian ya makasian ed dalan
Siak la so manbabawi ed inpakasalanan ko,
Jesus, pirdonaen mo ak, nakasalanan ak.

Jesus pirdonaen Mo ak ta nanakasalanan ak,
Ed kaparak ya too, kabosul tan kakaaro.
Siak la so manbabawi ed inpanksalanan ko,
Jesus, pirdonaen Mo ak, nankasalanan ak.

Jesus pirdona en Mo ak, ta nanakasalnan ak.
Agwat Mo ak pad irap, laman tan kamarewak.
Siak la so manbabawi ed inpankasalanan ko,
Jesus, pirdonaen Mo ak, nankasalanan ak.

O Arin Manamalsa


O Arin manamalsa, Sikay igalang mi
Say bagat min pinalsa, nia isaklang mi
Komon ta sayan bagat, sikay napaliket
Tan kasalanay talba, perdonaen mo met.

Laman Mo insaklang Mo, Dalam interter Mo.
Ta pian say kasalanan, jesus paandien Mo
Onung ya nunoten mi, so impatey mod krus
Bilay mi isaklang min ami’d Sika Jesus.

Awaten Koy Mabilay a Dios


Awaten moy mabilay, ya dios kon mamaliket.
Awaten moy mabilay, ya dios kon mamaliket.
 

Inkuanto: tinapay Ak
ya amolin mamabilay
Say minabang ya akoen to ak
Agto takotay patey. Awaten…

Inkuanto: Siak so dalan.
Say Amak labay to ka
Tan sikay isempet ko
Pian sakey kayo lamet.

Inkuanto: katuaan ak.
Et no siak so sisiaen
Siak so tuan naamtaan,
Tan salitak so okbor mo.

Inkuanto: siak so Bilay,
A sengeg na itubo
Awaten mo yan Laman
Naamtaan moy Espirituk.

Adios


Adios O Reinay tawen
Inan ar-aroen
Marian mapagalang
Sikay pataniran.

Adios Inan malagak
Ina na Dios anak
Esposan mapararo
Na Espiritu Santo.

Adios  gayagay tawen
Ligliway maermen
Salimbeng day makabos
Adios, Adios, Adios.

Misalamat


Misalamt kami Ama
Ed ianwat ni a gracia
Biskeg na pananisia
Panangaro, panagserbi.

KORO;

Paakseb Noy bendision Mo.
Ed sikami ya Anak Mo
Ya misalamat ed Sika
Ya andi angga.


O Maria O Ligliwa


Refrain:

O Maria, O ligliwa tan Ina ya maaro
Tulongan mo ak, idalan mo ak
Ya onarap ed tawen.

Saray dayew mo, Maria
Diad mundo ipalapag
Say ngaran mon mapagalang
Bitlaen kon maranay.
O Maria…

Diad amin a kaatapan
Tan tukso na demonyo
Ampayam so kamareruak
Pian lawas natalo.
O Maria..

Sikay mananulong mi;
Sikay panilaloan.
Diad bilay tan diad patey
Ag mo kami paolian.
O Maria…