To Barclay

我今日之所以咁講係我考慮0左好耐,並唔係一時衝動,我知道你會覺得我係受三少奶影響而講D咁0既說話,我唔知你係咪覺得我咁做好無聊,但係我真係好無安全感,希望你明白,我真係唔希望好似同第二個女人分享我心愛0既男人,我係一個有分析能力0既人,你每次0係我面前同佢講電話總係表現得極之討厭,但你又有無諗過,無一個女人會咁唔要面,成日俾人用極之討厭0既語氣講野,都不斷咁打電話去煩佢,我知道你平時同佢講野一定唔係咁0既語氣,我知道你陪佢過生日,我唔知你係我你又會點諗,我一直扮唔知係因為我一廂情願意認會你已經為我改變,但係我只係得到一個我唔想去相信0既事實,我知你到依家仲係緊張佢多過我,我一直話我唔介意係我故作大方,因為我認為你已經為我改變0左好多,但我唔肯,面對0既係你一直重視佢多過我,我妒忌,但係我可以同邊個講,我總係處處為你著想,希望終有一日你會全心全意咁對我,我希望俾番男人應該有既面子你,但係你問你自己你幾時有珍惜過,有時我真係唔知自己算係咩,好似係二奶,甚至係你0既一個吹氣公仔,想要0既時候就搵佢慰藉0下自己,唔要0既時候就當係擺設,你係咪真係鍾意我,我希望你認真諗清楚,我唔係一隻呼之則來,揮之則去0既狗,我承認我從來未對一個人咁認真,但係我都唔希望我係一直俾人拖住,我好希望你有一日會明白我0既感受,我都希望我0地仲會係朋友,呢段日子你俾我0既回憶我係唔會忘記,我都會祝你永遠幸福.多謝你!

Love Michelle