2003 年 04 月 19 日 星期六 【晴】^_^

今日係由第一次見Edwin o既第100日..嘻嘻....亦都係一齊o既第100日.....^^ 好希望之後, 仲會有好多好多個100日..就好lu...!!!

今朝早, 8點幾俾屋企個電話嘈醒.....原來媽媽唔o係度...攪到最尾要我落去聽..... 打唻o個個正是媽媽.....佢話叫我地去黃大仙飲茶囉...我同細佬都冇show 佢.... 之後, 9點08分...佢又打多次唻..叫我地一齊去stanley 喎....唉.....阿姨叫到我同細佬迫住要去...>.< 慘慘.....我真係好驚我出到去...要受佢地o既群眾壓力同埋我硬係覺得佢地會講d 說話俾我聽呀...>.< 驚驚....

之後, 諗住打俾edwin. ......但佢可能未起身...我就開左部腦一連send左3個sms 俾佢呀....講低我一陣要去邊呀咁...好掛住佢呀!!!!! 跟住....就去左銅鑼灣等齊人...一齊搭小巴去赤柱o勒....edwin o個時就send 左個sms 俾我o勒...因為費事打電話...一陣媽媽....見我聽電話又唔高興....其實好驚edwin 唔鍾意用呢個方式去同我聯絡o架...如果唔鍾意記得講我聽呀...我唔想佢唔開心... 之後, 我媽媽+ 細佬+兩個阿姨+婆婆..就去左美利樓間德國餐廳食lunch buffet o勒....哈哈...食左兩碟已經飽飽lu....哈哈...

之後, 隔左一陣...就走去拎dessert o勒...嘩...成餐我鍾意就係d dessert 喇...嘩....勁勁好味呀.....尤其是係朱古力o個d 呀...好味到傻呀!!!!^^ 今日成日edwin都係以sms o既形式同我contact.. 我一有機...一有位...先打俾佢....我o係餐廳o既廁所打左一次俾佢呀.!!!!嘻嘻^^ 食完野之後, 我阿姨帶左相機機.....影左d 相...之後行埋赤柱廣場就搭973巴士諗住去尖沙咀轉車車o勒.....嘩....坐左好耐好耐先出返去呀....>.< 坐到人都癲....條腰勁勁痛呀!!!>.< 辛苦.... 我婆婆都坐到唔係好舒服...所以落左車....就去左新港中心o既food court 坐一陣o勒....

坐坐下...我同細佬就去左隔離間無印買野o勒...都係買文具.....我又襯機打俾男朋友仔lu....嘻嘻....^^ 佢好乖乖呀....有o係屋企溫書書...^^ 之後, 又經過卓悅喎....買左支之前我話擦左之後個咀咀好甜甜o既o個支潤脣膏o勒...^^ 經過...戲院...有少少快將推出o既片頭睇丫嘛...有套野叫「咒怨」呀....o個度寫住話「比午夜凶鈴更恐怖」呀.....>.< 跟住, 就去左婆婆屋企食飯飯o勒....^^ 食完飯飯.....就返左屋企o勒...edwin 就出左去同佢d 朋友食飯飯呀....佢一直都擔心我今日去婆婆度會俾人質問....但點知我地個估計錯誤呀...咩事都冇發生呀.... 希望唔係暴風雨前o既平靜就好lu.......掛住掛住edwin!!!^^