chapter 1***
|
ASH，佢係我第一批識既net fd黎架喇，之前響lazymf.com，由guest book，到email，再到icq，都識左好一段日子喇，不過真係見都係見過兩三次，但係我次次拍拖，有d咩問題既時候佢icq都咁會咁o岩hi我，所以其實佢都知我幾多野架!上次見佢已經係阿paul個concert喇，因為佢姨丈同lmf、阿paul果堆人熟，所以有免費飛，佢成日都叫我問佢拎飛睇show，不過我唔好意思所以無乜啦...果次佢同佢幾個fd一齊黎，我唔識佢地，ash又要同佢d fd玩，又要理下我咁，睇見佢就辛苦，所以未完show就走左lu，而家我都仲好記得果日d經過，好似幾個月前既事，但係尋晚我地icq，佢講返先知原來仲有幾日就一年喇!咁就一年喇!諗真d又係喎，果個show之後一星期，我就識左阿輝，11月15號我地就一周年喇，不過而家，都無得講啦...點解我要寫阿ash呢，係因為我覺得呢個朋友幾神奇，唔知點解每次有大事發生或者特別日子，佢就會出現，而且net fd黎講，我地算係保持到聯絡，有幾多個唔係成日見既net fd會keep住同你有兩年聯絡?佢可以話係見證住我呢兩年既成長，我同佢講野會諗返起呢兩年發生既事，堅呀喱，可能佢都唔知我咁諗，喂阿ash，睇到既話講d野啦，仲有呀，希望你同你個sa會開心多過唔開心啦!
3/1/2003***
|
