學界隊大招募班救兵

出閘脫腳爭升乙組亮紅燈

由 學 生 哥 組 成 o既 香 港 學 界 隊 ， 上 季 雖 稱 霸 本 地 丙 組 （ 地 區 ） 足 球 聯 賽 ， 卻 在 「 乙 組 資 格 附 加 賽 」 失 諸 交 臂 。 今 季 一 班 學 界 「 丙 組 腳 」 捲 土 重 來 ， 卻 遭 逢 開 季 三 戰 僅 得 四 分 困 境 。 為 達 成 倣 效 大 埔 直 衝 甲 組 o既 奇 迹 ， 香 港 學 界 體 育 聯 會 日 前 舉 行 公 開 招 募 「 班 救 兵 」 ， 超 過 一 百 四 十 位 同 學 仔 試 腳 ， 一 齊 向 着 晉 升 「 甲 組 腳 」 目 標 進 發 ！ 

香 港 學 界 隊 已 係 第 五 年 出 戰 本 地 丙 組 （ 地 區 ） 足 球 聯 賽 ， 雖 然 上 季 能 夠 力 壓 各 區 豪 強 奪 得 聯 賽 錦 標 ， 惜 在 「 乙 組 資 格 附 加 賽 」 中 慘 敗 而 失 去 升 班 機 會 ， 而 球 隊 踏 入 今 個 球 季 亦 遇 上 困 難 ， 因 大 部 分 奪 標 功 臣 已 升 讀 大 學 ， 開 季 只 得 十 四 名 球 員 供 調 配 ，o係 兵 源 捉 襟 見 肘 下 ， 呢 支 衛 冕 霸 主 被 人 欺 凌 ， 先 以 二 比 二 賽 和 東 區 ， 及 後 更 以 近 年 最 大 比 數 ○ 比 三 慘 負 於 黃 大 仙 ， 雖 然 周 日 贏 四 比 二 o係 離 島 身 上 全 取 三 分 ， 但 三 戰 僅 得 四 分 令 球 隊 蟬 聯 機 會 響 起 警 號 。 

145 人 試 腳 揀 到 好 o野
為 o左 增 強 兵 力 ， 學 體 會 日 前 舉 行 學 生 球 員 大 招 募 ， 吸 引 四 十 間 學 校 派 出 一 百 四 十 五 位 「 足 球 小 將 」 參 與 ， 並 選 出 卅 四 名 球 員 進 入 集 訓 隊 （ 見 附 表 ） 。 擔 任 教 練 o既 孫 瑞 強 就 話 此 行 收 穫 豐 富 ： 「 其 實 要 招 募 有 實 力 球 員 入 隊 真 係 有 啲 難 度 ， 因 為 依 家 稍 有 實 力 o既 球 員 ， 早 就 畀 其 他 球 會 收 歸 旗 下 ， 猶 幸 今 次 選 拔 仍 發 掘 到 一 啲 滄 海 遺 珠 ， 希 望 呢 班 球 員 可 填 補 香 港 學 界 隊 兩 翼 、 中 堅 等 不 足 o既 位 置 。 」 

對 於 倣 效 「 神 奇 球 隊 」 大 埔 直 闖 甲 組 o既 目 標 ， 擔 任 香 港 學 界 領 隊 o既 「 聖 若 瑟 費 格 遜 」 胡 運 國 就 認 為 隨 遇 而 安 反 而 會 創 佳 績 ： 「 有 好 多 丙 組 球 會 都 大 灑 金 錢 擴 軍 博 升 班 ， 但 香 港 學 界 隊 o既 成 立 係 為 o左 建 立 一 個 訓 練 平 台 ， 畀 即 將 代 表 香 港 出 戰 國 際 學 界 賽 o既 隊 伍 吸 取 更 多 實 戰 經 驗 。 我 諗 就 係 寓 賽 於 操 冇 壓 力 ， 去 季 先 可 以 攞 到 冠 軍 ， 而 今 季 我 o地 會 以 呢 隊 波 o既 班 底 ， 出 戰 明 年 暑 假 舉 行 o既 亞 洲 學 界 足 球 錦 標 賽 ， 故 有 信 心 取 得 唔 錯 o既 成 績 。 」

張振興韋拿強勢回歸
吳兆輝打救學界隊

香 港 學 界 隊 開 季 首 兩 仗 表 現 不 濟 ， 兩 戰 僅 得 一 分 ， 更 遭 逢 大 敗 ， 正 處 於 危 急 存 亡 之 秋 。 然 而 ， 日 前 學 界 隊 終 於 o係 第 三 場 聯 賽 發 威 ， 以 四 比 二 擒 下 離 島 全 取 三 分 ， 全 因 為 陣 中 超 級 射 手 「 張 振 興 韋 拿 」 吳 兆 輝 回 歸 ， 佢 亦 成 為 學 界 隊 起 死 回 生 靈 藥 。

上 季 學 界 隊 奪 得 丙 組 聯 賽 冠 軍 ， 貢 獻 o左 七 個 入 球 o既 首 席 射 手 吳 兆 輝 功 不 可 沒 ， 但 今 季 球 季 開 鑼 前 ， 呢 位 有 「 張 振 興 韋 拿 」 之 稱 o既 前 鋒 卻 因 證 件 問 題 而 遲 遲 未 能 上 陣 ， 令 佢 只 能 夠 o係 觀 眾 席 上 睇 住 學 界 隊 連 番 失 分 。

不 過 ， 呢 隻 猛 虎 終 於 o係 周 日 越 柙 出 擊 ， 迎 戰 離 島 即 轟 入 兩 球 ， 助 學 界 隊 以 四 比 二 打 開 勝 利 之 門 。 吳 兆 輝 話 依 家 餓 波 好 耐 ， 一 定 要 以 入 球 o黎 「 頂 肚 」 咁 話 ！

(2006年10月3日東方日報)