體育老師鄧仲明坦言：「學生覺得有責任要延續呢個傳統，所以佢o地玩任何運動都會搏晒命，希望做到薪火相傳。」 

譚偉洋第二 中四小巨人周健宏

擁有NBA球星「巨無霸」奧尼爾身形的「肥宏」周健宏，是目前籃球校隊陣中最高大一人，更有潛力成為「第二個譚偉洋」，在香港籃壇闖出名堂。這位現時已有一米九二身高的中四學生，在師兄身上獲益良多，更以超越譚偉洋的身高及成就為奮鬥目標。

多才多藝運動員
今個學期才轉校的「肥宏」，自小已愛上籃球，並視邁阿密熱火球星奧尼爾為偶像。這位學界體育健將除了在籃球場表現出眾外，日時又是劍擊高手，過去曾嬴得個人花劍及團體賽季軍，又是田徑及足球隊的代表，可謂多才多藝。

上季已是香港籃球甲組球隊飛鷹成員的「肥宏」坦言：「師兄(譚偉洋)返o黎教波，我o地o既信心都大好多，而且o係佢身上學到好多o野。其實我覺得打籃球對我幫助好大，一方面當減肥，另方面學到團體精神，以前我係一個怕羞內向o既人，打o左波之後，成個人都開朗o左。」

教師弟有少許偏心
阿洋今次返母校執教，是因為參與了南華會籃球「彗星」訓練計劃。他說：「返到母校教波始終有份特別o既情感，有時我都覺得自己有啲偏心，點都希望佢o地唔好太輸蝕。」

南華會籃球「彗星」訓練計劃，今年是首年舉行，主要目的是提升學生對籃球的興趣，並籍此為南華隊「揀卒」。參加此計劃，來自四間學校的籃球隊，會接受每周一課的訓練，然後角逐四角賽，爭逐每年八月「終極之戰」的榮譽。