最後唔知打咗幾多圈, 有$152進帳. yeah~!!!
收到個消息, wendy個中醫師會唔做, 想搵地方自己做, 好似話同佢意見不合lor~ 其實都唔關我事, 不過有人
問起我有無興趣搵埋佢一齊做, 我當然ok la~ 不過...... 點解佢會變成咁ga~!?
都話心情會影響運氣ga la~ 終於搵到我要嘅嘢la~ 不過要到星期五至有得攞, 我諗我趕得切啩~?!
好耐無食過蓮花杯蜜瓜味la~ 好味呀~~~~~
等REBECCA都等到7點, 我就話不如出去行街, 遲d至做treatment la~ 哈哈~ 將呢個星期
嘅唔開心一次過發晒喺買嘢上, 舒服晒...... 我哋行完仲去番n年前我哋去過嘅一間樓上cafe食嘢, 依然好味lor~
雖然呢排好黑仔, 但我諗某程度都係因為我太多嘢諗而影響我啫~ 不過, 今日之後會好d ga la~ 因為要解決嘅
已經解決到, 要睇開d嘅我亦已經睇開咗, 跟住就要諗清楚要點行.
第一次同Rebecca去睇話劇, 我就對呢套劇好期待, 而佢以為會好悶, 但最後佢都覺得OK lor~ 而阿姐就好鐘 意.
講番我, 我當然無失望la~ 聽咗好多哥哥同陳百強嘅歌, 其實我成日都會聽番d唔係我年代嘅歌, 而今晚我就一邊聽佢哋嘅歌,
一邊打daily, 因為仲好懷念剛才好似演唱會嘅音樂劇ma......
一個人咩都無個陣, 身邊無人睇好自己, 仲要講d落井下石嘅說話, 聽到一定會唔開心, 但過後繼續堅持, 發揮
自己小宇宙, 只要自己係有料, 一定會得到應得嘅嘢, 那怕條路要行多人哋幾多倍lor~ 呢個諗法係我睇完套劇第一個
諗法, 亦係一向我會同自己講嘅說話. 以前做學師仔, 一聽到有客質疑我個陣, 我第一下會唔開心, 跟住就會同自己講以上呢
番說話, 而家嘅我都OK呀~ 証明我呢個信念係啱la......
第二個諗法: 如果我有朋友好似套劇個三個主角咁, 識於微時, 大家一齊為自己理想努力, 途中你撐我我撐你,
到四五十歲個陣, 一齊享受後生時努力嘅成果, 不過千祈唔好好似佢哋個結局咁lor~ 呢種都算人生一種另類幸福呀~~ 只可
惜我仲未搵到個明我呢個諗法嘅人呢...... 為將來而努力, 無錯ga~!? 只為現在點夠呀~~??
<<神探>>, 我真係好鐘意個故事. 每個人都有鬼, 有時比起幽靈更可怕.
死la~ 我諗今次考試唔合格多la~
今晚見到佢, 聽到關於佢嘅嘢, 其實我好早已經懷疑, 但對我都無好或壞影響, 咪唔理law~ 不過到今日正式知道之後,
開始會諗, 一個人點解可以將自己講嘅大講當成真話呢? 原來呢個世界好多人心裡面隻鬼係丁蟹lor~~~
完la~ 同佢唔會再有任何關係. 對大家都係一個解脫呀~! 由今日開始, 已經無任何事情牽連住我同佢. 開心~!? 有d la~
失落~!? 唔係嗎~??
好耐無因為唔開心而喊lu~ 今日突然間好想喊, 就喊law~ 我唔明點解我對佢好d人, 唔會為下我諗ga~!? 我唔係要我
對人好, 佢要對番我好, 我只係希望我有問題時諗下我先, 唔好為難我啫, 我無要人幫我呀~?! 點解都可以ga~!? 知我開鋪, 話
就話會幫我, 我都唔貪呢d人情牌, 平時幫我我都一定計番錢, 都知大家咩料ga, 揾佢幫手其實都想幫下佢, 點知一日到黑就
講錢, 幫我捹到單生意就好似我會賺好多錢, 我都要成本ga~ 我要去買貨, 攞貨, mixing, 仲要包, 我都同佢一人一半la~ 我知
問對得住佢, 仲好似計少俾佢, 我話過唔會再請佢幫我law~
緊跟d所謂朋友, 打個電話話幫幫手過條數, 過兩日還番俾我. 結果~? 兩個月la~ 唔話要交咭數都無諗過俾番我. 李玉
儀呢個賤人就更加唔使講la~ 幫佢都會覺得係幫緊佢, 百分百係丁蟹law~ 諗諗下就喊lu~
咩人呀?! 佢算唔算係人呀?! 仲理直氣壯. 點解可以有人好似丁蟹, 以為自己做咩都無錯, 錯係其他人, 只有人對佢唔
住, 自己就對人好好. 佢好話我去小額錢債告佢, 佢自己唔諗下自己所謂有責任心有信用, 會還錢俾我, 慳d la~ 借個陣同我講
年尾會還, 講緊係2005年借ga~ 到而家點呀!? 有信用~!? 無賴!!!
第一次去小額錢債就因為李玉儀, 佢都大面lu~ 要我為佢付出第一次. 唔知佢收到小額錢債封信個陣會點呢? 佢一
定認為我玩佢, 好絕. 但無所謂la~ 唔俾面人個個係佢唔係我law~
聽到佢同人講d說話, 我真係想嘔~~ 扮咩呀~! 不過算la, 佢鐘意做好人咪俾佢做飽佢law~ 總之佢還番d錢俾我之後我
唔會再同佢有任何關係, 連電話我都會delete埋, 識到佢真係我一大污點呀~!!!
嘩~! 原來我咁耐無upload過la~ 不過無辦法la, 去完旅行之後好似忙到無停, 本來我仲以為可以休息下, 話晒做咁耐工
都未試過停過, 點知都係無得休息, 就租到位做生意. 都好, 快d搵到地方唔使諗呢樣個樣, 三心兩意.
今日, 就係我鋪頭開張大吉之日, 忙完開鋪, 跟住就要忙生意la~ 希望會蒸蒸日上la~
2個鐘14分鐘, 鬧咁耐我真係頂唔到la~ 好在已經辭咗職咋......
終於, 我鼓起勇氣打俾Wendy, 問佢我d佣金點我借俾佢d錢點, 佢開頭以為我係ELIZE都仲好好聲氣, 我一話我係TRAMI,
佢把死人聲直頭720度轉變. 扮晒唔知我打俾做咩, 到我問我d佣金點, 佢話少咗四千幾蚊貨, 仲話我唔信可以去check, 如果係要
唔俾番錢我一定做好晒嘢la~! 緊住我問佢佢借我d錢點, 佢就好話我追佢, 佢根本收到我d SMS同信, 仁佢無覆過我lor, 仲話新年
個陣有打俾我話一有就還番俾我, 已經係有交代, 又話我走個陣無親手俾番條鎖匙佢, 但我忍住佢無同佢吵過, 因為我喺街ma~
而且我都驚佢唔還錢俾我la~ 不過我諗住明天再call佢講d佣金嘅嘢, 我問過勞工處, 要賠都只要賠人工四分一, 而且每件貨最多
賠$300, 咁我點都有錢攞番呀!! 而且我都諗住要佢寫番張欠單, 佢所謂有就還俾我, 我點知佢幾時叫有呀!? 就算佢有佢都會用
喺佢自己認為緊要嘅嘢度, 佢根本認為借我個d錢唔緊要還嘅~
我都係絛鬼用ga la~ 都係無俾封信佢, 唉~~~ 不過佢都有同我講番件事, 算la~ 點知上到佢屋企真係用唔到lor~ 點解呢??
Anyway, 我就call apple幫佢上門整, 如果人哋都整唔到都無計la~
咩料呀~! 晨早怕佢心掛掛至打俾佢, 但我唔知又係我唔啱law~ 收咗線之後異話不說, 我即刻搵番KAREN以前幫我寫個
封辭職信再打, 仲好有勇氣簽埋名, 唔撈咪唔撈law, 我驚呀?!
12個星期日都係上學日開始lu~ 第一堂韓文比我想像中易好多, 希望我handle得到la~ 而香薰就更加要俾心機, 因為paper
開始唔係再只係講每隻香薰精油特性, 而係講香薰精油裡面d化學分子, 每隻化學分子特性同禁忌, 加油呀~!
Wendy一入到課室完全無望過我, 之後從工作人員口中知道佢會轉去第二個center上堂, 可能佢唔想見到我la~ 我都諗佢
還完鉉俾我之後呢個人都唔會再出現ga la~
個隻死嘢, 極度乞我憎呀~~~
死得la~ 以為只係幫手接待個客啫~ 一定可以好快走, 仲可以唔使返公司, 不知幾嘆. 但sorry, 仲辛苦呀~! 馬薇小姐只係要
去交保費同到HSBC開A/C, 點知間HSBC都已經玩咗我哋幾個鐘, 唉~~~
好在, 佢請我食晚飯, 去鴻星食呀! 我想食蟹粉小籠包好耐la~ 唔使自己錢食, 都好呀......
佢一返到公司又哦一輪, 我已經知ga la~ 唔好再講la~ 佢走之後KAREN 同MANDY都問我點, 都ok......
我擔心咗兩日la~ 今日終於唔使再擔心, 因為已經穿煲lu~ EVA無好惡鬧我, 而周生都有我, 我都又知可以好大件事, 我一定唔
會再錯ga la...... 因為今次錯嘅代價要$1184, 請咗6個人去COVA食飯, 代價咁大, 仲會錯咩~?!
放工個陣我見到WENDY坐咗喺鋪頭, 我又鼓起勇氣send SMS俾佢, 「請問我d錢你可以還俾我未? 唔好無聲無氣.」
一個星期la~ 都無回覆, 所以我今日speed post本書俾番佢之餘, 打咗封字條俾佢, 追佢還錢. 我唔明點解佢會變成咁, 佢真係
好乞我憎.
做咗個決定, 我send 咗個SMS俾wendy叫佢還錢, candy講得啱, 我唔可以對佢咁好, 佢都唔會為我諗la~ 做咩仲要對佢好呀?!
一d聲氣都無, 仲要見到我就黑口黑面.
今日我第一次喺landmark cafe食lunch, $145食一個咖哩雞飯, 係好食...... 但使唔使$145呀?! 第一次跟去見客, 當然要做功課la~
開頭好驚ga~ 但到嚟真個陣又OK lor~ 唔係好驚咋~
海猿2真係好好睇呀~! 睇完都12點幾lu, 返到屋企收到封信, 我一睇個信封都覺得幾奇怪, 邊個會手寫信封地址寄信俾我呢?!
一睇原來係WENDY寄報稅單俾我, 個個星期日都見ga la, 唔使寄呀?! 我一睇完真係好想同佢講唔好做到好似我對佢唔住, 俾佢自
己覺得佢嬲我係啱, 係我錯晒, 欠我d錢到而家都無聲無氣, 我都好想問清楚佢知唔知咩叫仁至義盡, 自己咁理直氣壯就唔好唔還
錢走去做自己嘢先la, 從來只有人哋對佢唔住, 佢唔會覺得自己難頂......
但係, 我真係好唔好問佢還錢呢? 點問佢好呢? 用咩方法同佢聯絡好呢? 我怕連佢把聲我都唔想再聽呀......
Candy Law約咗我放工後行街食飯, 同佢行街都幾好feel, 因為大家鐘意睇嘅嘢差唔多, 而且唔會好快話攰, 可以睇得多d嘢,
當然買嘢都多la~
之後去咗花園餐態食飯, 因為阿德喺嗰度做, 所以個餐係超值版, 根本無可能食得晒!
以前日日都出出入入嘅地方, 如今係一個我唔會再入嘅門口, 唔係我要怕d咩, 而係無值得我留戀之處. 我到今時今日都仲
好想知我自己係咪真係一個無情義之輩!? 係咪要唔見面, 老死不相往來至係大家最想嘅處理方法!?
呢d問題由今朝eva問我份工做成點, 覺得學唔學到嘅之後, 令我諗番起呢兩個月我已經經歷咗我呢7年來都無經歷過嘅嘢,
亦學到點樣做一個好老板, 成功老闆.
15分鐘要我決定買邊部notebook, 我都問下我自己有無考慮清楚. 不過, 孻姨話ok就得la~
EVA今朝一返到公司就同我講, 星期五可能會帶埋我去上海, 仲話要我呢兩日要買到部手提電腦, 就算星期二唔使去上海
都要呢兩日買到返嚟, 我真係有d驚. 不過我知就算驚都要頂硬上, 唔好同自己講唔得, 一定要得~~! 所以都唔敢懶, 我一定要盡快
記得d plan short form.
EVA由今日就係我新老闆, 希望合作愉快, 我又做得好la~
第一日返足朝9 晚5點半, 第一次面對OL工作, 係就係唔慣ga la~ 不過我會全力以付, 做到最好~~!
最後一日做錦華行員工, 都有D唔捨得, 但唔捨得係D熟客, 孫太、宋太、ALICE、阿玲、KANE...... 但對錦華行反而一D都
無唔捨得lor~ 至於WENDY, 我唔知佢點諗. 我亦諗唔到咁多, 到收工要出糧, 要計佣個陣, 個感覺好唔舒服, 點解要令人唔好受呢?!
年三十晚呀, 邊個唔想早D收工返屋企食團年飯呀?! 自己唔使食人哋都要食la~ 我都做好晒所有嘢, 都要等埋你咩?! 要裝修pack好
D嘢, 有無望清楚有幾多嘢要pack呀?! 我都自己pack la~ 我係一心諗住都唔使打你工, 我就唔會幫你la~ 如果唔係葉生喺度緩和氣氛,
我都唔知可唔可以忍佢. 佢俾張$1000話多謝我咁多年幫手, 我都好想唔收, 我亦預咗佢會俾錢我, 但我無諗過佢會用咁樣語氣嚟打
賞我, 不過我都係收, 做咩要同錢鬥氣lor~?! 佢裝修完盤點都要我俾番la~ 我D佣金同一半雙糧都仲喺佢度, 佢都唔會唔同我計la~
食完地茂館小廚個豉椒排骨米粉就好唔舒服, 又嘔又肚痛. 記得唔好再食, 好易死人ga~
我都係去annual dinner, 有D唔自在, 仲令我有D後悔選擇咗annual dinner. 而阿B, 遲D約佢食飯俾人情la~
Wendy話聽晚食annual dinner, 但聽晚我要去阿B個wedding party, 點呀?! 但唔去wendy實會話我玩嘢, 而且阿sir都要上大陸la~
同KARA嘅台灣之旅終於落實lu~ 今次唔再搭中華, 搭長榮呀~
一直都無諗過會轉行, 我都覺得自己係個幾好運嘅人, 因為會有好多人真心幫我俾機會我, 試下無壞.
同Rebecca去完澳門都幾好玩, 至少唔會好似上次暈船暈到就死呀~