主角介紹
諾妍∼14歲,靚女一名，成績勁好，性格樂觀
家嘉∼14歲,諾研既好姊妹，由幼稚園到中學都係同諾妍同一間學校，又係靚女
詩詩∼15歲,諾妍既好朋友，比較惡死，經常駡人，成個”大姐姐”咁
樂軒∼幾靚仔，係一間幾出名既男校讀書
浩森∼樂軒好友，都算幾曳

＜第一次見面＞第一回

係巴士站．．．
「喂．．．喂．．．樂軒！」
「下？咩事呀？」
「你睇下果兩個女仔！係唔係好靚呀？」
「你前世未見過女仔咩？」
「唔係呀！佢地真係好靚架！」
「又真係幾靚既．．．」
－－－－－－－－－－－－－－－－－－－
「哎呀！死啦．．．死啦！」家嘉好心急咁同諾妍講
「咩事呀？家嘉！」
「你有冇一個５蚊呀？」
「冇呀？做乜呀？」
「我唔記得帶八達通呀！如果遲到就會俾詩詩駡架啦！」
「咁點呀？不如問人借啦！」
「好呀！咁就問下果面果兩個男仔丫！諾妍．．．不如你幫我問啦」
「唉．．．咁好啦！」諾妍好唔願意咁應承左
「諾妍你真係好好人呀！」
－－－－－－－－－－－－－－－－－－－
諾妍行過去樂軒同浩森既身邊問．．．
「唔該！我想問下你地有冇一個５蚊呀？」
「sorry呀！我冇呀！」浩森唔好意思咁講
樂軒即刻話「我有呀！我借俾你啦！」
「好呀！」家嘉好開心咁講
「唔該晒！下次見到你，我就還返俾你啦！」諾妍好有禮貌咁同樂軒講
「ｏｋ．．．」

＜聚會＞第二回
「喂．．．詩詩呀？你而家係邊到呀？」
「你係諾妍？我而家係卡啦ｏｋ！」
「哦．．．我而家同家嘉一齊呀！我地想還返本書俾你呀」
「咁你地而家黎丫！」
「好呀！我地而家黎啦．你唔好走呀！」
「得啦．．．」
「ｏｋ！ｂｙｅ！」
－－－－－－－－－－－－－－－－－－－
諾妍同家嘉去到卡啦ｏｋ
「你地唔好再遲ｄ！」詩詩好嬲咁駡佢地
「sorry!我地岩岩等左好耐先有車呀！」
「咁算啦！」
「我都知你唔會嬲我地架啦！」
「係啦．．．係啦！快ｄ坐低啦．仲企係到！」
－－－－－－－－－－－－－－－－－－－
「樂軒！係上次果兩個女仔喎！」浩森好興奮．．．
「係喎．．．」
「ｈｉ！又見到你地啦」樂軒同諾妍，家嘉講
「ｅ．．．你地都係到呀？咁岩既！」
「咁我還返５蚊俾你先啦！」
－－－－－－－－－－－－－－－－－－－
「鈴．．．鈴．．．鈴．．．」諾妍部電話響．．．
「喂．．．媽咪呀？咩事呀？」
「你係邊呀？幾時返？」
「ｕｍ．．．我而家返啦！ｂｙｅ」
「我要走先啦！」
「你駛唔駛咁乖呀？咁快就走！」詩詩又駡人啦
「sorry呀！下次再約你地啦」
「唔緊要啦！ｂｙｅ－ｂｙｅ！」家嘉同諾妍講
－－－－－－－－－－－－－－－－－－－
「ｅ．．．佢留低左個電話喎！」樂軒見到諾妍部電話
「係喎．．．不如你攞返俾佢啦！」詩詩真係駛人唔駛本
「我呀？唔好啦．．．我都唔識佢既！」
「唔緊要啦．你話係我叫你攞返個電話俾佢咪得囉！」
「咁好啦！佢住邊架？我聽日俾返佢啦！」
「我寫個地址俾你啦！佢叫諾妍呀！」
「諾妍．．．個名都幾好聽丫！」

＜相識＞第三回

「叮噹．．．叮噹．．．」諾妍屋企既門鐘響
「你搵邊個架？」諾妍個妹妹開門
「唔該！我係搵諾妍架，佢而家係唔係到呀？」
「哦．．．咁你入黎先啦！」
「喂！有人搵你呀！」諾妍個妹妹好大聲咁嗌
「得啦．．．得啦！」諾妍係房度衝出黎
「ｅ．．．係你呀？你搵我有咩事呀？」
「你琴日留低左部電話呀！我黎還返俾你架！」
「係喎！我都唔記得左ｔｉｍ！唔該晒呀！係呢，點解你知我住係度既？」
「係詩詩話我知架！」
「哦．．．乜原來你識詩詩架？」
「係呀！我都估唔到琴日會見返你」
「傾左咁耐，都唔知你叫咩名？」
「我叫樂軒呀！唔知你介唔介意同我做朋友呢？」
「當然唔介意啦！我叫諾妍，１４歲，讀緊中三！」
「咁我老過你啦，我１５歲，讀緊Ｆ．４呀！」
「你咁都算老？你大我１年咋．．．」
就係咁．．．樂軒同諾妍就傾左好耐啦

＜原來就係你＞第四回
諾妍屋企電話響．．．
「喂．．．你搵邊個呀？」
「我係家嘉呀！」
「哦．．．咩事呀？」
「冇呀，我好悶呀！想搵你傾下之ｍａ！你得唔得閒呀？」
「我得閒呀！你想傾咩呀？」
「你覺得樂軒點呀？」
「下？做咩咁問呀？唔通你．．．」諾妍好奸咁問
「你唔好亂諗呀！我問下咋．．．有咩特別架！」
「係咩？鐘意人就認啦！唔好再扮啦！」
「哼！我淨係覺得佢有少少靚仔咋！」
「咁即係對人地有好感啦．．．」
「好啦．．．好啦！我唔夠你講啦！」
「你即係認啦！」
「係呀！不過你唔好講俾其他人知呀！」
「好．．．就等我撮合你地啦！」
「喂！你唔好亂黎呀！如果唔係，我嬲死你架！」
「超．．．講下之ｍａ！唔駛咁緊張呀？」
「我唔講啦．．．ｂｙｅ！」
「拜拜！」
－－－－－－－－－－－－－－－－－－－－－－
諾妍電話又響啦．．．
「喂！又咩事呀？」
「下？我係樂軒呀！阻住你呀？ｓｏｒ！」
「唔係呀！我以為你係家嘉．．．所以．．．ｓｏｒｒｙ呀！」
「哦．．．唔緊要！」
「你打俾我，有咩事呀？」
「冇呀．．．想搵你傾下之ｍａ！」
「又傾？你同家嘉真係好襯呀！」
「係？我覺得我同你襯ｄ喎！」
「．．．．．．」諾妍都唔知講咩好
「我唔係呃你架！」
「你唔好玩啦！其實家嘉係好鐘意你架！」
「下？但係我鐘意果個係你呀！」
「唔得架！如果俾家嘉知道，佢實會嬲死我架！我唔想冇左個朋友呀！」
「咁就算啦．．．不過我係認真架！咁冇野啦，８８」
「哦．．．ｂｙｅ！」
諾妍成晚都冇訓到，因為佢驚家嘉會嬲佢，但係諾妍其實都有ｄ鐘意樂軒！
To Be Continue....