2004年10月7日
我同bb都好耐冇寫日記添, 呢幾日同bb睇左一兩位朋友既日記, 而且又想記返住
大家開心既日子, 所以都係寫返日記, 記住每日既感覺先!
今日放學, 係學校由4:00訓到5:00就開始溫書,溫到6:45到就走, 去淘大mcdonalds
邊溫邊等bb放學~話咁快bb就8:17出到來, 一路行一路同joyce傾計傾得好開心~
見到bb好返晒我心都定d喇!!~ 見到bb返學開心,我都好開心呀!
好開心bb返學會開心, 我都開心晒!!
跟住我地就去食kfc~ honey chicken wings餐餐, 好好食呀!
跟住我就陪bb返去bb paradise, 坐左93k~ bb唔使行得咁累累!!~
跟住我就回家了!~
bb呀, 就算我而家懶左..有時好多野都冇再做..但係都唔代表我對你既感情少左架嘛
唔好亂諗野呀!我地快要一年喇!~可以踏入穩定期架喇!!但係我地熱戀多陣先好嗎~
2004年8月8日
今日下午偷渡去左輝輝家!!做左佢家的"衣櫃裏的男人"!!
林訓仲食左半合ice cream添!!不過又幾鬼好食喎!!等我買返先!菠蘿樂園?ho!
偷渡原來話咁易!
2004年8月7日 swimming day ya!
今日係首次同輝輝以極少bugget出街!!每人都只得50-60蚊!好緊張呀!
我地分別去左佐郭谷同埋斧山道泳池~點解去兩個?咪因為第一個唔多好玩囉!!
好彩我地係優惠價9蚊姐!如果唔係就真係慘喇!!
我地仲係斧山道個船到上演左titanic添...hahah!!衰野真係唔好提~
我地發現左而家時下唔小既男女都愛去泳池到 hea, 可能平平地又涼呱~定係想昅野?
玩完就坐車車返輝輝屋企果邊食mcdaonlds啦..我地要計住計住咁食添...嗚!
2004年8月6日
今日唔開心呀, 一起身冇耐就激嬲輝輝添, 點算呢...今次係我好唔岩呀,...都無理取鬧...
唔知輝輝點先原諒我呢?...>< 對唔住呀輝輝!!!原諒我好嗎~知錯了!
2004年8月5日
今日輝輝來左我家呀,梗係開心啦使乜問,我地又落街買左炒飯,雞比,百事etc.....好好味呀!!
仲去行晒bossini,baleno,giodano,izzue同埋5cm搵下背心仔添!平凡的一天,但當然開心!
只可行冇得去游水~天公不造美喔
2004年8月4日
今日本來係一個好開心既日子，即係唔係話今日唔開心，都開心，因為我去左輝輝家
好開心咁實行緊增肥計畫時（食ｃｈｉｐｓ，ｉｃｅ－ｃｒｅａｍ，意粉，ｍｃｄｏａｎｄｌｓ）
收到ａｐｐｌｅ既電話，話有幾個同學知道左我ｄ野，又會唱行咁
其實我覺得性取向呢樣野有咩咁出奇，我唔覺得果幾位女同學中意男人係正常，而我係唔正常
我從來都冇ｄｅｎｙ過我中意男仔，同時我都唔介意人知，但係點解要咁樣去唱開呢？好好玩？
是旦啦，我真係唔介意同學們咁樣講開佢，可能呢樣野真係有新聞價值
但希望講既同時可以照顧下人地既感受咁姐
同時係呢到有ｄ野想同朋友們分享，有鑑於而家既男比女多，女性已經面臨危機
再加上同性戀既出現呢，女仔們就更加驚喇，因為唔少既男同性戀者都係較靚仔的（可惜我冇份）
各位小心了!
而同性戀者人數既上升，我認為有幾個原因：
第一）有唔少既女性仍然係唔知自己身陷ｓｉｐ隙既危機，仲對身邊既人、事諸多挑剔，乞人憎至極
最後係令到唔少既男仕發現同性係較好，或是被女仕們嚇怕既
（ps，女性之中當然都有ｄ好既例子，但係仍然比一眾既害群之馬令到女性形象蒙羞！）
下面再談女性之不是
第二）當今時下愛美成風，不少的男仕都會有自戀既傾向，繼而形成了同性戀的傾向
唔數咁多原因，而家要探討下女性既討厭原因（當然有例外者，但各位可以此為鑑）
１）以為自己係大小姐，唔知道自己既性格巴喳，好嘈，仲以為自己好可愛好ｃｕｔｅ，冇禮貌
事例：大大聲講電話，拍桌子和椅子，不客氣地打開別人的記事本看，更詢問詳情
２）超八掛，雖然八掛係人之常情，但係八掛程度可以與大氣電波相比！
３）滿口粗口爛舌，完全不懂ｅｌｅｇａｎｔ的真義！更以有伴侶為榮大事宣傳！
ｔｂｃ！
2004年8月2日
今日真係一個開心既日子, 我同輝輝既網上的家已經出現左喇! http://www.oocities.org/hk/faifai_walter
大家得閒去坐一下下~~今日我12點幾就去輝輝屋企喇, 係jusco買左豆漿, 馬豆糕, 長髮魔女意粉.....好多好野!
行去坐bus果陣, 真係發覺咩叫熱情的沙漠!!我行到汗疊汗呀!!
去到, 買左一個mcdoanlds 餐加大~我地租左大件事, heee魔女宅急便同埋......kill bill!!
只可惜我地一樣都未睇完heehee!!我地好忙架嘛!!
仲有,我今日見到我既水水area喇,好滿意呀!heee不過有d似..神主位haha!
我地今日做既事雖然係好平凡, 但唔知點解今日係激開心!!
因為輝輝黑左大隻左, 我suggest佢可以買背心著, 我返屋企果陣就去5厘米買左一件90蚊既背心比佢喇~
佢比錢架!haha 果個5厘米既sales仲...有d似member添hahahahah好嘔心~
今日走13x返屋企時....road show見到一個爆嘔心既ad....
係fiona...一位少女...同兩個肥大肉厚既相撲手...係到跳舞..隻手係咁好似give me five咁向鏡頭郁..
但呢個都唔係最嘔心..而最嘔心既係..fiona收唔埋佢條頸,同埋佢既可愛氣息..同兩位男主角..唔多夾
而最最最嘔心既係......fiona 著住短褲跳既舞步..隻腳係-------睇清楚 <> 咁架...唔知你地明唔明呢...
好嘔心呀!!!!!!!!!><!攪到我係bus到大笑..實在忍唔住呀!!
我要為自己喊一秒...我又黑左喇!!我係黑朱古力呀!!
2004年7月30日
今日同輝輝去左淘大唱k,跟住好快就返左屋企了
返到屋企訓左一陣,姐姐就打比我話落街食和民,咦~都幾好食幾抵喎!!多謝家姐
到到夜晚,原來輝輝唔舒服,哮喘有少少發發地..又唔肯睇e生....嚇死我了..
記住飲多d熱水呀輝輝..唔好食ice cream住喇^^
2004年7月29日(列列豬牛一)
唉..時光飛逝得真快..話咁快已是7月尾尾尾...乜都未做過, 不過好開心就係陪左0云呢拿好耐!
今日一早就去左搵0云呢拿先生,陪佢拎返隻sammi i-concert vcd,仲去左大快活食早餐
而係大快活,見到一位衣著過人既小甜甜,佢既頭巾,係little twin star,.,..嘔!
食完早餐, 回家就梗係睇vcd啦,跟住落mcdoanlds買左個wings~餐,再加埋我煮既愛心意粉
同埋佢整既愛心火腿三文治, 再加上ok 特價既chocolate味magnum!好好好飽呀!
但係食完冇耐,我地又再發揮合作既精神,征服左一筒pringles bbq 味chips! yummy!!
過左冇幾耐...大事發生喇....警鐘響呀!其他單位既人都出晒來,但又唔走喎!!如果真係火警點算!?
我同輝輝就叫婆婆係到等,我地行樓梯落去睇下...行左14層..都淨係見到一個小朋友走落去..
咁究竟警鐘響係應唔應該走架!!冇人走我地咪樣衰!!好喇..行到落去..原來真係冇料到!!
0徙氣!!!heee我地入返lobby果陣仲扮晒岩岩返唔知咩事添!hoho!
返返屋企..幫輝輝剪頭髮..佢唔滿意呀!><好內疚呀!!!
輝輝d頭髮快d長返啦!!幫你祈禱@!
ps,呢排kelly既歌係我既電腦中點播次數係好高既!!打低千嬅同sammi!!新寵!!yeah!(輝輝都係架!)
200427月28日
今日真係慘..同尋日一樣冇咩進展..不過我精密既頭腦已經幫我做完左一份功課! congratulations!
今日本來去0云呢拿到架,但係因為朱古力遲左少少,所以冇去到喇!順延順延!!聽日就是了!^^
聽日既餐單有意粉,雞亦仲有potato chips!!!eahyeahyeah!!><!好多野食yeah!
今日0云呢拿食滯左少少呀!!唔知佢聽日好返未呢!!可能食得太多chips啦!!
hee我都唔好話人,我今日食完意粉lunch,都走左落街食吉野家!hoho好平呀!14蚊有埋野飲呀!
跟住dinner就買左d fruit 整salad!同埋食左隻媽媽帶返來既大雞翼!仲有d薯茸呀!
唔好以為少少野!!勁飽呀!^0^肥胖的一天!
2004年7月27日
今日我係屋企hea左一日~hah!起身就食野,食完野又睇下電視!
好喇，一心諗住等埋姐姐放學一起食野，點知佢冇良心，自己係大家樂買雞比唔預我！！
仲話我孤癖添呀！！！＞＜好過份呀！！
ｋｅｌｌｙ既新歌已經ｒｅｐｌａｃｅ左千嬅果ｄ ｌｕ．．千嬅可以行開喇∼ｂｙｅｂｙｅ！
而家呢個社會真係咩都話要增值！！我媽媽個公司都要佢地上英文ｃｏｕｒｓｅ！
我都梗係想幫下我媽媽啦，但係佢次次問果ｄ野都係一樣！！講完又唔記住又唔寫低！
好炆呀！！我就呢開口鬧佢架喇！！但係又要忍住！！呀！！好苦呀∼∼
希望佢快ｄ記住晒ｄ ｂａｓｉｃ ｇｒａｍｍａｒ喇！！
2004年7月26日
今日望一望個月歷！驚覺已是７月尾！我都係時候開始著手做功課喇！聽日一定會做一樣！！
ｐｒｏｍｉｓｅ自已先！
今日比０云呢拿先生發現我跟佢風寫日記喇！其實好耐之前我都寫過既，停左一排拎返起先！
今日本以為會浪費左一日既光陰喇，因為一起身已經好眼訓
３：００就出左去同大波食ｌｕｎｃｈ，食左一個好ｃｈｉｌｌｙ既ｃｕｒｒｙ ｂｅｅｆ呀！
＞＜真要命！大波佢竟然頂得順，我已經係咁要飲野解解火了！
返到屋企，訓左一陣，同０云呢拿傾左一陣，好快就收左線！
中間發生左一段小插曲，其實０云呢拿本身係唔知，而且係冇參演的！
只係我成日亂諗野同埋太敏感！先會咁！！但我好清楚，我最唔想既係０云呢拿唔開心囉！
０云呢拿好緊要架嘛！！＞＜！
夜晚，睇到一個電視節目，講一ｄ減肥既ｃａｓｅｓ，但用一個ｃｒｉｔｉｃａｌ既ｖｉｅｗ
有一個肥女人，因為一個醜樣老公對佢身形既嫌棄，而勁減７８榜都唔夠．．
呢位女士既老公比．．．曾志偉更樣衰！佢竟然對住電視同全ｈｋ既人講
話想佢老婆瘦到好似ｋｅｌｌｙ咁，靚到好似ｋｅｌｌｙ咁
大佬你睇下自己個豬樣先啦．．．但佢既太太仍然為左呢位老公既無理要求．．去減
睇完有小小心酸．．．人既外表始終都好緊要，所以都係要係自己既外表上多花功夫！
而且原來ｃｈｏｉ ｏｎｅ！（我ｍｏｍ）都曾被我爸爸嫌棄她那略肥的身體．．．
唉＠＠
最後，原來而家既性觀念開放到，唔係ｌｏｖｅｒｓ關係既人都可以ｓｅｘ，仲好正常添
有少少．．．．－＿－”
2004年7月25日
今日同０云呢拿訓到１０點幾，起身食左兩個面包仔，都唔夠飽既！
跟住就叫左ｍｃｄｏｎａｌｄｓ外賣喇！！
然後我地看看電視，剪剪頭髮，傾下計，咁就一日喇∼
平淡的日子就是幸福了吧∼
2004年7月24日
今日好開心呀，今日我同０云呢拿（ｂｆ）一起去街街呀！
約左４點係新世紀等，多數遲到既我竟然準時呀！我諗我都係要介掉遲到呢一個壞習慣至得！
同０云呢拿食ｋｆｃ時，見到兩名少女公然係ｋｆｃ訓晏覺，唔通佢地真係累得咁交關？
食完ｋｆｃ，我地係旺角行左一陣，行下紅點，ｔｒｅｎｄｙｚｏｎｅ，ｉｔ咁，
影埋貼紙相都已經６點幾喇！都係時候食ｄｉｎｎｅｒ，跟住去睇ｓａｍｍｉ喇！
點知食完個ｋｆｃ飽到家陣，我地都係去左許留山飲野算了！
我叫左芒果神冰，而老公就叫左多芒果西米"勞"呀！飲完野我地就去左坐８１ｃ去火車站
係百佳買左一筒薯片，朱古力餅同埋康師傅！同埋原來呢一個商場既百佳ｄ野係貴ｄ架！
好快就去到呢一日既重頭戲，ｓａｍｍｉ既ｃｏｎｃｅｒｔ呀！好好睇，好抵睇！
不過千嬅既表現令我對佢既印象大扣分呀！！好假架佢！哼！
ｊｕｎｏ，ｃａｎｄｙ同埋ｔｈｅｒｅｓａ都好好呀！ｔｈｅｒｅｓａ唱歌好好聽呀！
睇完ｃｏｎｃｅｒｔ，唔返屋企住呀！去左旺角ｍｃｄｏｎａｌｄｓ食ｉｃｅｃｒｅａｍ
同埋行左一陣夜ｍｋ∼跟住先一起返去０云呢拿屋企，訓覺！好開心的一天！
