人物介紹差唔多...因為這個團都係d比較年紀大d既兩夫婦,所以玩得埋既都係我上面介紹d人,所以好明顯分左二批人玩...一批30歲以下(除了4哥大d),一批30以上既人
首先要在這裡作一下人物介紹,由於唔係好清楚佢地既名...咁我地就幫佢地起了名字....哈哈.....
1. Eason---佢就係我地既領隊了....因為佢既笑聲同埋講野都係勁似陳奕迅,所以就叫佢eason了.....
2. 謝賢一家----其實佢地有4個人,是兩pair的,二個男人係父子關係,而阿爸因為有99%似謝賢...所以我地叫佢4哥...而佢個仔就叫nick(有d似日本人...都幾型),nick既老婆好靚...so我地叫佢靚女(佢地勁襯~~~)
3. 狼(又名阿叻--是nick改的)---點解有這個名....哈....唔講了...大家估下啦~~
4. 橫間情侶----都係一對年輕情侶,是後期先比較熟...而個男仔第一日因為著了一件橫間衫,所以就幫佢地起左食個名
5.兩姊妹----都係年輕的....起初以為佢地係兩姊妹...所以叫這個名...但原來只係friend..哈...我覺得佢地都幾似樣吖~
之後,我地就去左蘆薈大觀園,見到好多唔同品種既蘆薈,但睇落就覺得無咩唔同,之後又要聽佢地d介紹,我就買了一d護膚品,同埋茶葉,都唔係好貴,唔使200蚊...
去完依d悶d既地方,之後就去了金斗灣歡樂嘉年華,起初我以為係可以玩機動遊戲...點知係for d小朋友...勁失望,係到就發生d恐怖事件,嚇得我地係咁跑...唔掂~~不過依度有得鍡金魚,好多錦鋰呀~~峰好好人,買左d魚糧,俾左d我玩.....嘩...好勁..d魚起哄咁,好壯觀呀~~
玩完一輪,就係食晚飯既時間,今餐ok啦,不過不失啦,唔可以要求咁高,這餐叫...至尊食神宴...哈哈...真係頂癮,點解佢地可以諗得出d咁勁既名呢~~佩服~~~食完我地走去隔離一間士多買電芯,呃我地錢啦~~哼~~
一早6點就起了身...嘩...想死呀...咁早....不過講真又唔係好攰喎~~可能開心啦...所以都無計啦~~而7點我地就準時去到食早餐..好好味喎我覺得....食飽飽之後,我地就開始一日既行程,不過最慘就係一開始就去了二個超悶既地方,第一就係那個什麼鹿野仙蹤,d鹿好臭呀...我又唔敢走埋去喂佢地食草(其實有鐵絲網的),跟著就入去聽佢地講廄話...勁攪笑...全部既團友好合拍咁一齊訓覺,有d誇張到成個身都側哂....哈哈....
去了這二個地方之後,我地就去了好出名既中藥谷(宮廷養生spa水療)...嘩...那裡既佈置..真的一絕...好靚...而d服務生又好好人,我地首先就浸了一個最熱既,深啡而且真係好勁中藥味...浸左一陣,就走出去一d露天既浸...又被我地發現一個僻靜既"on sand"(溫泉),最後又浸一個紅色既水..叫貴妃池,有美顏功效喎....都唔知係咪呀~~
浸完後,我地就去食最後一餐---大江南北宴,我地就同橫間情侶一齊坐,女朋友問我,覺唔覺得vincent似eason,我梗係覺得似啦....我地就一齊叫佢唱eason既歌...可惜佢唔肯...唉....
一早8:30要在上水火車站等巴士,經黃崗上大陸,而係等巴士既途中,見到好多人都係到等,而且好攪笑咁d人會問我地係咪佢地個團...不過一直講...最後都係無一個係同一團的~~哈....跟著我地終於見到我地既領隊了....佢叫左我地上車...一上車我地就忍唔到係咁笑....(好彩我地坐係車尾咋,唔係又被人當怪獸咁睇了....)點解笑??唉...
首先,我地係香港關口過境,都算幾快,因為這個關口係專係俾d tour的,所以好快...之後又過深圳那邊...見到個導遊,佢就帶我地上了旅遊巴,展開我地既旅程......
第一站,我地就去了中山先,路程個幾2個鐘左右,頂癮既係導遊講左一陣野,就係到唱歌,雖然都ok好聽,不過真係有d攪笑囉...唔知依d係咪叫大陸文化呢~~第一個目的地就係百香果園(又名豐本農業科技園),那裡既百香果產量好多,我地沿住佢地既果園行,四周圍都係有百香果,不過我諗我地去既時候唔係咁啱d時間,因為好多既生果一係就巳收割左,一係就剛剛種植,所以都無咩野睇,之後我地就聽個d人講解下d生果有咩好處,佢地主要講一種名叫桑果既生果,不過我依然無咩興趣,因為佢地mainly都係想sale野,而且好貴d產品...
而我地都有得試食佢地既新鮮水果,又有桑果汁同埋茶試飲,我地就係到識了nick同埋靚女,而我地亦係到食我地既午餐,個名好有名堂--四香果留香宴,有好多以生果作菜,我自己就覺得怪怪地....亦試了新鮮榨出來既桑果汁...味道ok啦~
跟著又去了太極山莊,有d關於太極既人物,都係行下,無咩野睇,而隔離就係張三豐紀念館同埋歷代錢幣博覽館,都係同一個地方,係依度我地反而影多d相,因為d境都幾好,有d特別~~
雖然我地無得玩機動遊戲,不過地方都好大,咁我地就唯有不停影相,阿狼見到我地係咁影,就問我地係咪好鍾意影相,又教我地應該用咩角度影先靚,哈....之後我地就周圍走,行左一個圈,我地就係門口等,見到峰,佢就叫我地俾佢睇下我地影左d咩相,又話我地影得幾好...of course啦..我地有番咁上下質數呀~~嘻嘻~~
之後搭了一陣車,去到珠海既五星級豪華會所桑拿按摩中心,不過我地就無興趣按摩,因為試過泰國既恐怖經驗,唉...真係怕怕..唔好攪我,不過eason就不斷游說我地....去到目的地,我地正猶疑之際,nick同靚女問我地係咪唔想按,咁就提議我地一齊行街,嘩...太好了...佢地太好人啦~~俾我地join埋佢地,話一齊好d~~咁我地就同佢地4個一齊,不過由於個度都屬於郊區,真係無咩野行,得一個商場,亦都只係一個supermarket,都好過無呀~~一路行,我地就愈買得多野,因為真係好平,我地掃左好多野食,仲要被nick笑我地,而其中我地都發現好多有趣既野,見到一d香港無既野,我地就係到討論買定唔買....好開心呢~~
謝賢一家真係好好人,一路行既時候,謝賢會不斷問你攰唔攰呀..使唔使抖下,又會好take care我地,而nick就成日講d笑話,靚女又會同我地傾計...總之佢地一家都好nice~~見到佢地一家人既相處模式,都覺得好warm,對我地陌生人都咁好,更何況佢地自己人呢...每每見到地上有d咩危險野,都會即刻提醒大家,又會拖住另一半,真係好到不得了~~~
由於佢地按摩成2個鐘,我地行左一陣就回去,好彩d人俾我地坐係裡面等,因為我地之後都會係個度睇一個show,叫東方夜巴黎歌舞show,咁我地坐係到,聽下歌,傾下計,好開心,因為好舒服,那裡既佈置就真係好似d電視劇上海舞廳咁,而樓上又真係俾d有錢佬包d小姐係上邊睇,格局真係好掂...由於我地距離開Show都有個幾鐘...咁nick突然講話上去人地個台到唱k,起初我地都擔心唔俾,但點知d人真係好好,俾我地玩...嘩...阿nick唱歌好掂呀...唱李克勤既歌勁好聽....我地就係下邊打氣~~好正...
玩下,抖下,個show就開始,個司儀好professional,講d野又攪笑,真係笑死,d氣氛好好,這個show結合左好多野...有唱歌啦~有歌舞劇~有雜技~棟篤笑....真係好好睇,我地都好投入,而最深刻就係一個8歲既妹妹吊在半空,無安全帶既情況下做一d高難度既動作...真係睇到我呆左係到...真係好勁~~亦得到全埸既掌聲~~
這個show都有成2個鐘咁耐....到了11點幾左右就完了...之後回酒店,嘩,唔錯呀間酒店,大堂既裝潢好有氣派,之後eason話明天要6:30morning call,我估唔到只不過大陸團都要咁早起身...而我就request早d6點...真係變態呀~~上去到房..嘩..好大呀....真係大到可以打幾個關斗都得呀~~整左一陣野,我地就落去行下,順便食宵夜,雖然都成12點,但都仲有d食市未收,我地就去了一間酒店附近既店,店有d舊,但佢地個d人都唔錯,我地用d半鹹淡既國語溝通,食了一d特色麵,同埋餃子,埋單都只不過係人民幣6元...真係好平....我地都話退休後真係可以考慮搬返大陸住...都唔錯呀~~
我地食飽之後,就回酒店,我地見個大堂好靚,就諗住影相...俾我地見到阿狼係卡拉ok出來,講左幾句,我地就即刻走番上房了....一日就過去...成2點先訓....
之後就去了斑石7彩世界,都係一d買水晶既地方...有d好靚...但有d就好普通,阿nick話係深圳買仲平....真係嗎?~~
見到阿狼...佢似"昅"人多過浸...之後就去了焗桑拿....好好玩....玩完,我地就提早出去影下相...因為真係幾靚.....見到兩姐妹影,我地就互幫對方影合照....見到峰同eason梗係要同佢地影下啦~~
食完又繼續我地最後兩站既行程...第一是那個冷泉蜂谷,介紹蜜蜂既產品,又俾我試一d蜂蜜...最後被阿nick玩,"坤"我飲了一杯勁勁難飲既蜂蜜....
最後一站....就係買手信既地方---杏福樓餅店,那裡好大,我地試了幾種,買左一d,就走了...搭了成2個幾3個鐘車先回到深圳,兩日一夜既旅程就結束了....