| 第五天 名古屋 --> 神戶 --> 大阪梅田 |
| 經過一晚於火車上用唔同既睡姿, 加上於燈火通明既環境下睡眠, 我們在6:05左右到達名古屋站, 原本我們會跟隨列車繼續落大瑗, 再轉車到新大阪, 但阿新突然心血來潮, 叫醒甜睡中的我, 說不如落車到名古屋走走, 就咁我們就即興加插左名古屋既行程。 在名古屋站一間咖啡店食過早餐後, 我們係車站四處逛逛, 找尋一下名古屋既觀光點。 正當我們找到名古屋既車站蓋印時, 發覺名古屋有著名既名古屋城, 所以決定到那處一遊。 就係我地苦惱緊無地圖時, 救星出現! 旅遊中心開始辦工, 一位友善又能講英文既服務小姐仲教我們搭地下鐵到名古屋城。 雖然由小冊子中得知名古屋城原來係大火後重建既"複製品", 但因為此城堡上有特色既金(魚虎)裝飾, 加上從城堡裡既展覽可以略知日本三大名將織田信長, 豐臣秀吉及德川家康既關係, 所以好值得一遊。 參觀過後我地返回車站既高島屋Tokyu Hands行行, 就決定搭子彈車到新神戶, 晚上先返大阪。 不得不提上車前我們在車站買了兩個名叫"雪莓娘"既甜品上車食, 其實係雪糕及Cream包住大粒士多俾利, 好好味! 有機會見到佢既朋友記得買黎試下。 |
| 去到新神戶先至發現原來JR並無車連接新神戶及神戶, 所以我們要很轉接地坐地下鐵到三宮站, 再轉JR到神戶站。 出站後我們選擇左遊覽Harbour Land 既 Mosaic Garden。 沿途我們發覺神戶其實係一個幾寧靜既地方, 人流不多。 Mosaic Garden內最多既係食肆, 差不多有超過四十家, 連印度菜都有得食。 既然一場來到, 當然要試下出名既神戶牛肉, 所以我們揀了一間可以望到海景既燒烤餐廳吃晚飯。 試過肥美既神戶牛肉, 再同漂亮既神戶港夜景及Mosaic Garden大摩天輪拍照後, 我們就搭新幹線去新大阪。 |
| 到達新大阪後, 我們先去大阪梅田Hotel Kinki(近畿商業酒店)check in。 呢間酒店係我係網上搵既, 睇相時覺得都幾好, 價錢又平, 6800日元一晚雙人房, 仲已連稅, 好抵。 但當我們check in時先知間酒店原來幾舊, 雖然服務員幾熱情, 房間都盡量整到乾淨, 但殘舊感仍令我覺得不舒適。 不過既然訂左, 唯有照住。 放低行李後我們到附近走走, 一出酒店門口我們就見到對面舖頭門前企左一個性感既兔女郎, 喔! 原來梅田不夜城就係咁既。 本應我們諗住去Hep Five試下那個建在商場中間既大摩天輪, 點知要1400日元兩位, 差不多HKD100, 所以最後都冇坐。 跟住我們去東通商店街逛逛, 其實所謂既商店大都是夜店或色情場所, 就好似新宿既歌舞伎町, 單身或兩三個結伴既女仕走過一定會有染髮既男子上前兜搭, 所以女仔都係不去為妙。 |
 |
 |
 |
 |
 |
| 名古屋城 |
 |
| 神戶 Harbour Land 中之 Mosaic Garden |
 |