第七天 新大阪--> 箱根小王子博物館--> 橫濱中華街--> 新宿--> 池袋
因為仍然心思思想去小王子博物館, 所以決定回東京途中再係小田原停一停。 今天一早我們就搭7:53往東京方向既新幹線, 到達小田原後就轉搭小田急到箱本湯根, 再搭4號登山巴士, 終於在十點幾到達目的地。 入到小王子博物館真係令我以為自己去左歐洲, 而且因為地點偏遠, 遊人不多, 可以讓人很寧靜, 很舒適咁享受周圍既環境。

我們跟隨指示參觀了作者生平既展覽館, 真係好佩服日本人搜集資料既功力, 連唔係自己國人既資料都咁詳盡。 跟住再睇埋小王子故事既電影及相關人物既展館, 好快就行完整個博物館。 買完少少紀念品後我們就直接搭巴士回小田原站。 原來搭直達巴士同轉小田急電車都係差不多價錢。   
下一站我們決定去橫濱中華街, 所以我們先係Green Window訂新幹線票到新橫濱。 在行去月台途中, 仲發現小田原站有雪莓娘買, 所以往新橫濱既車程中我們又有美食伴隨!

到達中華街時, 只是下午四時多, 但天已黑了。 中華街裡食肆佔了商舖的大部份, 如果叫中華食街可能更貼切。 是不是物美就不清楚, 但"價不廉"就應是事實, 在港澳大約賣十元既牛肉, 在中華街就要成500日元(HK$37), 所以行中華街只宜參觀, 不宜消費。 行完整條街後我們就搭車返東京, 再去西池袋既池袋之家check in。
晚上我們去新宿食咖哩飯, 跟住行行西新宿電器街, 就返民宿休息。 試過大阪近畿酒店既經歷, 本來對池袋之家無甚期望, 因為價錢仲平。 雖然冇獨立廁所, 但雙人房都只係6000日元一晚。 出乎意料之外, 池袋之家很明亮, 整潔, 令人住得很舒服, 值得推介!
 
晚上五時多, 天已黑了, 但兩邊舖頭既燈飾使中華街更有氣氛
相裡面就係小王子既作者, 館內還有他生平既詳細資料
博物館門口既小王子像
整個博物館都是富歐陸色彩既建築