Mga gadangkal na talulot na talampunay ang nakahanay sa bungad ng Inn Rocio, sumalubong sa aming pag-akyat. Kami ang benteng pumasa, ang benteng tumanggap ng "unanimous decision" at sinagot ito ng kanya-kanyang hiyaw, talon, o nginig. Sa tuktok ng burol, pinagpasa-pasahan ang mga manuskrito, mikropono, termino, panaginip, tuwalya, toma, at chips. Nagbahaginan tayo ng awit, kwento, drama, tula, luha, at hak hak hak hak hak.

Sa huli, maraming iiwanan, ipapasa sa mga organisador, sa ika-45, at sana sa mga mambabasa. [Kalakip nitong ikalawang Talampunay ang pasasalamat sa LIKHAAN, mga matiyagang panelist, mga abalang staff, mga bisita, at mga host na bukas-palad.] Kipkip rin ng isyu ang katapusan ng trip, ang pagbaba ng tama.

Kalimutan man o karirin ang pagsulat, heto ang pitas na torotot ng anghel. Hayaang ihatid tayo pabalik sa lupa.

Ang artikulong ito na sinulat ni Dennis Aguinaldo ay ang naging Pangulong Tudling ng Talampunay Dos, Newsletter ng 44th UP National Writers Workshop.