我得閒而又有心情

Rabbit's Home

【主頁Main】【兔~日記+留言My Diary】【靚靚偶像Idol】【兔~廣場My Shop】【文章分享Sharing】【畫野比我Draw pictures】

我得閒而又有心情&心機的話就打一D文章同大家分享~期期更新

兔~自由講:

唔知點解, 好多時都會好容易唔開心...小小野就可以令我諗到好多野,然後就可以好down...唯一做的係喊~ 唉, 好眼淺...想搵人陪...又冇...我的「朋友」...我又唔會主動去搵~ 因為我唔想好似以前咁成日都係我搵人...又唔知人地想唔想我搵佢...又怕人地唔得閒應酬我...所以依家我都係等人搵我...我唔搵人,又有邊個會因為掛住我, 而搵我丫! (其實我都分唔清誰是我的朋友, 我好怕我當人係, 人地又唔當我係...) 我明白我只能做鍾無艷, 冇資格做夏迎春.......可能我太重視我想珍惜的人啦...∮迫到愛人變做朋友再變生疏∮

好多人都話我好灰, 我諗某程度上都係...看不到將來, 前路茫茫...跟住就會諗到好灰......我的確係唔喜歡依家咁樣, 好唔喜歡依家所謂"家"的地方...所以我好耐之前已經好想搬出去住...亦都好想有自己的家庭~ 我覺得到二十歲結婚, 生仔就最o岩...好似我呀媽咁, 咁後生就有個咁大的女兒~ 又有個咁好的老公...多幸福啊!!~

哈~ 如果有個好似天明咁好的老公, 又有個好似程程咁可愛的女兒就好喇~ (唉~我係咪傻得好暈儘呢?唔洗埋我, 我發下up風姐~唔洗咁緊張!)

我又有諗過同鍾意o既人一齊開間Cafe' 係幾浪漫架~ 兩口子整o下咖啡, 蛋糕,甜品~ 幾寫意! (我都知事實係唔會咁理想的) 不過, 同鍾意的人一齊工作都係一件好事!~

唉~ 今日唔知聽日事, 話唔定聽日我唔係度呢~ 依家我只看見前路一片黑暗, 唔知幾時先會有人願意陪我一起行, 令我不再害怕...重見光明呢?

文章 (取自海闊天空一書)

在人生路上, 有的人駕著保時捷, 瀟瀟灑灑的走; 但有些人卻撐著枴杖, 推著輪椅, 像蝸牛似的爬著. 每次有誰的車子在路上失靈, 就只會呆在車廂裏抱怨自己不夠運氣, 卻看不到車外正有人抖動著拐杖一拐一拐的上路...其實, 我們都是蝸牛, 背上都有個殼, 是與生俱內的, 無論如何, 也要一力承擔.

文章 (芝See茹Bi寫的) 我刪了少計...也改了一些字眼

阿k...她愛躲在公司。公司,彷彿是世上最好的瓦遮頭...沒有人會干涉其他人,也沒有人會因為你逗留在公司過久而責備你.......在家中父母長問短問:你為什麼留在家中...為何你.......呀邊個邊個的仔女很好...雖然工作已做完,阿k也會留在自己的座位裏,上上網、打打遊戲機、執拾桌面、着着書,買個飯盒然後又上上網、打打遊戲機,旁人也許會認為,阿k無聊,但那種感覺,你也許是不能明白的。走出公司,問自己「我有那裏可以去」,卻沒有答案的感覺......那種空虛感,真的很難受.阿k有想過如何令自己脫離這種每一次(甚至更多)侵襲她的失落,然而話不多的人,大慨落得如此下場,也許不善交際的人,就是這樣子吧。......然而每當她想起這也許將會變成一件沒完沒了的事,當她想起自己的一生也可能重複過着同一樣我生活,每天都要問自己同一條問題,她才對自己失望。「唔...我有那裏可以去呢?」